محمد الدحيمي آلشهري صاحب اشهر بيت شعري
(تكفى ترى تكفى تهز الرياجيل..ولولا ضروف الوقت ماقلت تكفى)
يعتبر من أشهر شعراء قصائد النظم في منطقة الخليج ..
لما يمتلك من موهبة شعرية
ومعين لا ينضب من الجزالة والمعاني القوية ..
يمتلك اسلوب خاص في قصائده لا يجيدها غيره ..
قال عنه الشاعر الكبير مساعد الرشيدي
(محمد الدحيمي شاعر سيلغي جميع التجارب السابقة فقط انتظروه)
اترككم مع احدى قصايده اتمنى ان تنال استحسانكم
سرت يا محثة الخطوة بأثرك وحثت الهتان
....................... بـروقٍ عـز واليهـا سحايبهـا جنوبيـه
هلا بك عد ما هب الهبوب وداعـب الأغصـان
....................... هلا بك كنك الوسمـي علـى ديـار سناويـه
أهلي بك غلا حتى النفل والشيح والريحان
....................... يهلي من جبل (شمرخ ) لأيام العز يـا بنيـة
وإذا عجز القصيد بوصف شكلك وأزرت القيفان
....................... فأنا شاعر جنوبي يسرج القيفان يا خيـه
دخيل السلهمة والنون ذاك اللي وقف حيـران
....................... حياوي والخجل يمنعه من لد النظـر فيـه
دخيل الرمش يوم أسدل ستاره وأجهد الأجفـان
....................... على شمس الوجون وضعت بين الشمس والفيه
دخيل أعذب ثمان ينتشي ببروقهـا العطشـان
....................... إلى من ناض بارقها وطـاح بصـدر وسميـه
دخيل النرجس اللي مغرسه في روضة الاوجان
....................... على نهر الندى من كُثر ما هو مرتـوي تيـه
دخيل الجمرتين اللي خذاها الثلج بالأحضان
....................... (عساني ما أعدمك )يا مبسمٍ ما شاقنـي زيـه
دخيل النقش برخام الكفوف ونزعـة الألـوان
....................... تمد مسلّمه غير أفضحتني رعشـة ايديـه
دخيل الخصر وحزام الذهب لفـه تقـل ثعبـان
....................... والى منه تثنى قمت أصوّت (لا رحـم حيـه )
(بروحي خذت ضيمك ) يا جديل ًمتعب الأمتان
....................... إلى هب الهوى ثـم انطـوى ليـه ورى ليـه
بغيت الثأر من خرسٍ غدا صدري لها نيشـان
....................... وأثرني كلما أصوّب سهامي عـوّدت فيـه
تقربني تبعدني علـى مـا قـال بـن جـدلان
....................... (أسولف مع عباد الله وأنا قلبي لـه نحيـه )
بلحظ عيونك الشعلا بخدرة طرفك النعسـان
....................... أنا من نظرة عيونك دريـت انـك (جنوبيـه )