Ooo..}{ طفلة شقاوتها على سن عشرين }{..ooO

طفلة شقاوتها على سن عشرين
متمكيجه .. وتقول صالح حياتي
ليه الكحل ؟؟
وإنته كحل عين هـ العين
وليه العطر ؟؟
مادمت عطري ورشاتي

على مهلك ..
ترى توك صغيره في نظر أهلك
بلاش تلوثي دمك ..
بـ جرم الحب
وحنا نسكن بـ دنيا
هدفنا كلنا ننحب ..
لجل نحرق تعب عمر
بـ لظى جمره
ونحرق قلب ..

على مهلك ..
وكفّي هالعطايا ياسخى نهلك
وش اللي معجّلك .. إهدي
ترى تو الورد فتّح على يدي

وتو العمر رفرف يمك أسرابه
وأنا اللي جيت متحدي ..
وأخر همي أحميني
من جيوشك .. إذا جتني بـ تغزيني
لجل هذا على مهلك ..

يابياعة ورود العمر يـ طفلة
على جالك رماني موجك بـ غفلة
ولكن يابراءة كون ..
أنا ودي فـ هذا الوقت من عمرك
تكوني سيدة عصرك
ولا يشوه حياتك حب
ولا يهمك أحد غيرك
سواك إنتي ..
يانبضة للسماء وحدك إذا بنتي
تصيح أجزائي بـ إسمك
ويسابقني القلم لا هزني رسمك
حَمار خدود ..
سحر ممدود ..
وعيون تجود بـ إحساس الصبايا
وأنا واللي خلق سحرك
حفظت .. وجبت من عطرك
لجل كل يوم أتعطر وأشمك وأحضن أنفاسي
وأحسك ساكنة إحساسي ..
وأنا أدري فيني وش زيني
وأدري بك تحبيني
وأدري كل يوم يمر
عليك أحسد أنا عيني
ولكن جد ياحلوه ..
على مهلك .. مدام إنك صغيره في نظر أهلك

مخرج ..}

مستعد ياذا المساء شمعك يقيد
والمشاعر داخل العشاق حيه
غرسها هـ القلب وسقاها الوريد
وإنتي اللي بك عن العالم مزيه
والحقيقة .. ماطرى علمٍ جديد
غير أحبك كل يوم أكثر شويه

أتمنى أن تليق بـ حضوركم ..

يسلموو الغالي ع القصيد
يعطيك العافية