مااْصعب طريق النوم للي بغى النوم / وكف السهر هشّـت تطيّـرمنامـه

ما آصعب طريق النوم للي بغى النوم
وكف الـسـهر هشت تطير منآمـه

هات الـدواه وطيّـر الفكـر للحـوم
. ما تلحقك شرهـة رفيـق وملامـه

مايخاف بحر الشعر من يحسن العـوم
. واللي يروم المجد . . ينسى انهزامه

الناس يابن الناس معطـى ومحـروم
. وأجمل عطيّه بالزمان : إستقامـه

على طريـق الحـق لا مالـت القـوم
. في درب مُوّصل للشقـى والندامـه

وإسلامنا ظهـره جِرَاحـات وسهـوم
. في وقـت حِنّـا ماعتلينـا سنامـه

والدين . . دين الله محمـي ومعصـوم
. خوفـي علينـا لا فلتّنـا زمـامـه

ماندوم من دونه .. ومن دوننـا يـدوم
. ونموت لجّله بـس تعيـش الكرامـه

والغرب داب وينفث أفكـار وسمـوم
. يحـاول إبقتلـه وصعـبٍ مرامـه

وأخـر حكاياهـم عِبـارات ورسـوم
. تباً لهذا الفكـر مـا أكبـر ظلامـه

أقزام تتطـاول تبـي تاصـل نجـوم
. وشلون تاصل من رفيعٍ مقامـه !!؟

والذم لانه جاك من شخـص مذمـوم
. يكـون للإنسـان معنـى تمـامـه

سلام .. يا خير البرى ما بهـا علـوم
. وصلاة ربي يا الحبيـب وسلامـه

أذكرّك .. تتملى سمـا كونـي اغيـوم
. وتمطر على قلبي غمامه .. غمامـه

ياطّهر قدم سارت على الأرض من يوم
. ربـي خلقهـا ليـن يـوم القيامـه

رمز السلام اللي غـدى شـي معـدوم
. أيّت غصن زيتون وأيّـت حمامـه !

مقـرون إسمـك بالشهـاده وملـزوم
. ويـردّد إسمـك كـل أذآن وإقامـه

والشعر في سيرتْك لو بحـر منظـوم
. يا مصّغر الشاعر ومصّغر كلامـه

وهذي رساله واضحه تأصـل القـوم
. وأكّرب حِزام الفعـل قبـل العِمامـه

هذا رسول الله .. من دونـه اليـوم
. نموت عاااادي .. بس تعيش الكرامه

يعافيك ربي

» ●ツ الحب مثل النوم .. والوصل .. الاحلام.. ツ●
» اضرار النوم على البطن والشق الايسر....